Situatë kaotike në kufi, qytetarët nisin protestat në Kakavijë

19:36 | 15 Gusht 2020
Arbresh.info

Për shkak të situatës së tensionuar në Kakavijë qytetarët shqiptarë të cilët vijojnë të qëndrojnë të bllokuar prej ditësh kanë nisur të protestojnë.

Nga pamjet e publikuara nga abcnews.al shihet se gjendja ka kaluar përtej normales.

Në kushte të vështira, në përballje dhe me temperaturat e lartë fëmijë, gra, të moshuar apo edhe të sëmurë prej ditësh vijojnë të presin për të kaluar kufirin.

Ndërkohë që është raportuar për të sëmurë të cilët janë dërguar në spital, po ashtu në Kakavijë një fëmijë u përplas nga autoambulanca. Një ngjarje kjo tejet dramatike, pasi fëmija nuk i shpëtoi dot aksidentit dhe humbi jetën.

Ndërkohë Ministrja e Mbrojtjes Olta Xhaçka i bëri thirrje qytetarëve shqiptare që të kthehen nëse nuk mund të kalojnë dot në kufirin grek.

Shpërndaje në rrjete sociale

Lajmet më të lexuara

Të ngjashme

Foto lajm